- » Мақсаттар мен міндеттер
- » Журнал бөлімдері
- » Рецензиялау процесі
- » Мерзімділік
- » Еркін қолжетімділік саясаты
- » Мұрағаттау
- » Рецензиялау
- » Ғылыми жарияланымдар этикасы
- » Құрылтайшы
- » Жариялау шарттары
- » Ашу саясаты және мүдделер қақтығысы
- » Қарыз алу және плагиат
- » Алдын ала басып шығару және кейінгі басып шығару саясаты
- » Зерттеу деректерімен алмасу саясаты
Мақсаттар мен міндеттер
Qainar Journal of Social Science – бұл гуманитарлық және әлеуметтік ғылымдар саласындағы кең ауқымды мәселелерге арналған түпнұсқалық зерттеулер мен шолулық мақалаларды жариялайтын қосарланған соқыр рецензиядан өтетін ғылыми журнал.
Журнал тұжырымдамасының негізінде жатқан үш негізгі бағыт "қоғам", "адам" және "әлеуметтік даму" оның миссиясы мен көзқарасының өзегін құрайды.
Журналдың мақсатты аудиториясы – ғылыми зерттеушілер, салалық мамандар, докторанттар, магистранттар және Қазақстан мен шетелден келген басқа да авторлар, олардың зерттеу тақырыптары журналдың бағытымен сәйкес келеді.
Qainar Journal of Social Science журналының мақсаты – әлеуметтік және гуманитарлық ғылымдар, әлеуметтік экономика, білім беру, әлеуметтік саясат және қоғамның тұрақты дамуы салаларындағы түпнұсқалық әрі өзекті зерттеулерді жариялауға арналған халықаралық ғылыми алаң құру.
Журналда қарастырылатын негізгі тақырыптар:
- әлеуметтік және гуманитарлық ғылымдар;
- әлеуметтік экономикаа;
- демография, адами ресурстар және еңбек нарығы;
- әлеуметтік саясат және өмір сапасы;
- гендер теңдік және әлеуметтік инклюзия;
- қазіргі қоғамдағы мәдени және коммуникациялық үдерістер;
- тұрақты даму және әлеуметтік инновациялар;
- әлеуметтік институттарды басқару және трансформациялау.
Журнал ҚР ҒЖБМ ҒЖБСС қамтамасыз ету комитеті ұсынатын ғылыми қызметтің негізгі нәтижелерін жариялауға арналған ғылыми басылымдар тізбесіне 2026 жылғы 13 ақпандағы № 117 бұйрық негізінде енгізілді. Енгізілуі 2026 жылғы қаңтар айынан бастап қолданылады.
Журнал "Қазақстан Республикасы Мәдениет және ақпарат министрлігінің Ақпарат комитеті" РММ тіркелген. 2024 жылғы 26 қаңтардағы NoKZ81VPY00086162 мерзімді баспа басылымын қайта есепке қою туралы куәлік.
Журнал бөлімдері
 Қолжазбаларды еркін нысанда беру |
Индексация |
Рецензиялаумен |
| Қолжазбаларды еркін нысанда беру |
Индексация |
Рецензиялаумен |
| Қолжазбаларды еркін нысанда беру |
Индексация |
Рецензиялаумен |
| Қолжазбаларды еркін нысанда беру |
Индексация |
Рецензиялаумен |
Рецензиялау процесі
30 мамыр 2025 жыл (жаңартылған саясат)
Qainar Journal of Social Science журналының редакторлары қолжазбалармен, рецензенттермен жұмыс істегенде және рецензиялау процесін ұйымдастырған кезде COPE ұсыныстарын ұстанады.
Рецензиялау түрі
Qainar Journal of Social Science журналының редакциясына ұсынылған барлық қолжазбалар міндетті түрде екі жақты жасырын рецензиядан өтеді, онда рецензенттер авторлардың жеке басын білмейді, ал авторлар рецензенттердің жеке басын білмейді. Әрбір қолжазба өз саласы бойынша кемінде екі сарапшыға жіберіледі.
Рецензиялау кезеңі
Qainar Journal of Social Science журналындағы сараптау процесі орта есеппен 1 айдан 4 айға дейін созылады. Осы кезеңде журналдың редакциясы қолжазбаны бастапқы қарау уақытын, рецензенттерді таңдауды, рецензияны дайындау уақытын, автордың мақаланы пысықтауы және қайта рецензиялау уақытын және қосымша сарапшыларды тарту уақытын қамтиды.
Орындалу барысын шолу
Qainar Journal of Social Science журналына рецензент таңдау туралы шешімді бас редактор мен редакторлар қабылдайды.
Қолжазбада журналдың бағыты бойынша терең және салмақты идеялар болуы керек. Идеялар мен қорытындылар (теориялық немесе эмпирикалық) экономика, менеджмент және бизнес туралы жаңа түсініктер мен білімдерді ұсынуы керек. Қолжазба бойынша әр түрлі пікірлер алғаннан кейін жұмысқа үшінші сарапшы тартылуы мүмкін. Әрбір мақала кем дегенде екі сарапшыға жіберіледі.
Qainar Journal of Social Science журналының редакторы авторға қолжазба бойынша келесі шешімдердің бірін ұсына алады:
- Жариялауға қабылдау. Бұл жағдайда қолжазба журналдың кезекті нөмірлерінің біріне енгізіледі және одан әрі жұмыс істеу үшін редакторға ұсынылады. Авторға жарияланған күні туралы хабарланады.
- Рецензент көрсеткен кемшіліктерді түзетіп, жариялауға қабылдау. Бұл жағдайда автордан бір апта ішінде рецензент көрсеткендей қолжазбаға өзгертулер енгізу сұралады. Кемшіліктер жойылған немесе өзгертулер енгізбеу дәлелді негізделген жағдайда қолжазба баспаға қабылданады.
- Рецензент көрсеткен кемшіліктерді түзетіп, қайта қарағаннан кейін басылымға қабылдау. Бұл жағдайда автордан екі апта ішінде рецензент көрсеткендей қолжазбаға өзгертулер енгізу сұралады. Қолжазба қайта қарауға жіберіледі. 30 күн ішінде автор қолжазбаның тағдыры туралы түпкілікті шешімді алады.
- Қабылдамау. Бұл жағдайда авторға қолжазбаны жарияламау дәлелдермен негізделіп, бас тарту жіберіледі. Жариялаудан бас тарту авторларға Qainar Journal of Social Science журналына қолжазбаларды одан әрі жіберуге кедергі келтірмейді, алайда автор тарапынан өрескел бұзушылықтарға байланысты жариялаудан бас тартылса, бас редактор авторды қара тізімге қосады. Бұл жағдайда автордың басқа мақалалары қарастырылмайды.
Qainar Journal of Social Science журналының редакциясы рецензиялаудың үш раундын қарастырады-бұл мақаланы пысықтау туралы алғашқы шешімнен кейін автордың рецензенттің ұсынысы бойынша өзгерістер енгізуге немесе олардан дәлелді түрде бас тартуға екі әрекеті бар дегенді білдіреді. Егер рецензиялаудың үшінші раундынан кейін сарапшы ескертулерді қайта жіберсе, журнал редакторы авторға басқа журналда жариялау мүмкіндігін қарастыруды немесе 6 айдан кейін енгізілген өзгерістермен мақаланы қайтадан қарауға ұсынады.
Мүдделер қақтығысы
Егер автордың қолжазба шолушысы болуы мүмкін сарапшымен мүдделер қақтығысы болса, ол журнал редакторына хабарлауы керек. Qainar Journal of Social Science журналының редакциясы қажет болған жағдайда басқа шолушыны таңдайды.
Қолжазбаны қарау барысында автор мен рецензент арасында қайшылық туындауы мүмкін. Бұл жағдайда Qainar Journal of Social Science журналының редакторы қолжазбаға жаңа рецензент тағайындауға және дауларды шешу үшін бас редакторды тартуға құқылы.
Экономика: стратегия және практика журналында бас редактордың, оның орынбасарының, ғылыми редактордың және редакциялық алқа мүшелерінің мақалалары жариялануы мүмкін, бірақ бұл ретте қызметтік жағдайды теріс пайдаланбау керек. Журнал редакторларының қолжазбалары қос белгісіз шолуға жіберіледі және қайшылықтарды, жанжалды жағдайларды шешу үшін тек сыртқы сарапшылар тартылады. Бас редактордың қолжазбасының тағдырына қатысты жанжал туындаған жағдайда, мақаланы жариялау мүмкіндігі туралы қорытынды шешімді редакция алқасының мүшелері қабылдайды.
Рецензенттер құрамы
Барлық келіп түскен қолжазбаларды рецензиялауға тиісті пәндік салада жұмыс тәжірибесі бар және соңғы 3 жыл ішінде рецензияланатын қолжазба тақырыбы бойынша жарияланымдары бар сарапшылар тартылады. Егер мақаланың тақырыбы өте тар болса және/немесе автор сыртқы мамандардың рецензиялау кезінде ықтимал мүдделер қақтығысы туралы мәлімдесе, рецензиялауға редакциялық алқаның және / немесе редакциялық кеңестің мүшелері тартылуы мүмкін.
Сараптаманың жоғары сапасын қамтамасыз ету үшін рецензенттерді іріктеу қағидаттары
Qainar Journal of Social Science журналының редакциясы журналға экономика, бизнес және менеджмент саласындағы танымал сарапшыларды тарту, сондай-ақ рецензенттерді уақтылы ротациялау бойынша тұрақты жұмыс жүргізеді.
Рецензенттер бас редактордың, оның орынбасарының, редакциялық алқа/кеңес мүшелерінің, сондай-ақ авторлардың ұсынысы бойынша журналмен жұмыс істеуге шақырылады.
Журналдың жауапты редакторы Scopus, Web of Science, ҒЖБССҚК дерекқорларындағы журнал тақырыбы бойынша жарияланымдарды үнемі қадағалап отырады және жарияланым авторларына ынтымақтастық туралы шақыру жібереді.
Егер рецензия сапасы редакторларды қанағаттандырмаса, рецензентпен ынтымақтастық тоқтатылады.
Qainar Journal of Social Science журнал ғалымдардың қолжазбаларын олардың мәртебесіне қарамастан рецензиядан босатпайды.
Рецензиялар көшірмелері Qainar Journal of Social Science журналының редакциясында кемінде 5 жыл сақталады.
Мерзімділік
4 выпуска в год
Еркін қолжетімділік саясаты
Журнал Qainar Journal of Social Science предоставляет открытый доступ к своему контенту на официальном сайте журнала. Все содержимое находится в открытом доступе и бесплатно для всех пользователей и/или их учреждений.
“Открытый доступ” означает его бесплатную доступность в общедоступном Интернете, позволяющую любым пользователям читать, загружать, копировать, распространять, печатать, искать или ссылаться на полные тексты этих статей, просматривать их для индексации, передавать их в качестве данных программному обеспечению или использовать их в любых других законных целях, без финансовых, юридических или технических барьеров, кроме тех, которые неотделимы от получения доступа к самому Интернету. Это соответствует определению открытого доступа Budapest Open Access Initiative.
На сайте журнала также размещена необходимая информация для авторов и читателей о деятельности журнала: условия публикации, правила регистрации и подачи рукописей в журнал, порядок формирования журнала и рецензирования рукописей, этика публикации, информация о редколлегии, контактные данные главного редактора, заместителей главного редактора и научного редактора.
Читатели и авторы могут ознакомиться с электронными версиями текущего номера журнала и архивами за предыдущие периоды на данном веб-сайте журнала.
Рецензиялау
«Qainar Journal of Social Science» ғылыми журналының ғылыми редакторы мен редакциялық алқа мүшелерінің лауазымдық міндеттері мен жауапкершілігі тиісті бекітілген лауазымдық нұсқаулықтарда көрсетілген.
Журнал редакциясына түскен барлық ғылыми мақалалар міндетті түрде қосарланған жасырын (double-blind) рецензиялау процесінен өтеді (рецензент авторларды білмейді, авторлар да рецензентті білмейді). Қолжазбалар бағалау үшін рецензенттерге жіберіледі.
Егер автордың кейбір ғалымдармен мүдделер қақтығысы болса, ол туралы ақпаратты қолжазбамен бірге жолдама хатта көрсетуі тиіс. Бұл ақпарат мақала тиісті ғалымға (рецензентке) жіберіліп, объективті бағалауға кедергі келтірмеу үшін қажет.
Мақалаларды рецензиялау редакциялық кеңес пен редакциялық алқа мүшелері, сондай-ақ тиісті ғылыми бағыттағы жетекші мамандар қатарынан шақырылған рецензенттер арқылы жүзеге асырылады. Рецензентті таңдау туралы шешімді бас редактор, бас редактордың орынбасары және ғылыми редактор қабылдайды. Рецензия мақаланы алған күннен бастап 10 жұмыс күні ішінде дайындалып, редакцияға жіберіледі.
Әрбір рецензент, егер мүдделер қақтығысы анық болса және ол қолжазбаның қабылдануы мен түсіндірмесіне әсер етуі мүмкін жағдайда, рецензиялаудан бас тартуға құқылы. Мұндай жағдайда уәжді бас тарту мақаланы алғаннан кейін екі жұмыс күні ішінде редакцияға жіберіледі. Рецензиялау нәтижесі бойынша рецензент төмендегі шешімдердің бірін ұсынады (әр шешім негізделген болуы тиіс):
- Ұсақ түзетулермен қабылдау;
- Елеулі түзетулермен қабылдауу;
- Ағымдағы түрде қабылданбайды, бірақ қайта беру мүмкіндігімен;
- Қайта қарауға жіберілмей, біржола қабылдамау.
Егер рецензияда мақаланы түзету немесе жетілдіру бойынша ұсыныстар болса, редакция авторға рецензия мәтінін жіберіп, ұсыныстарды жаңа нұсқаны дайындау кезінде ескеруді немесе дәлелді түрде (толық немесе ішінара) келіспеушілігін білдіруді ұсынады. Мақаланы қайта өңдеу авторларға хабарлама жіберілген күннен бастап бір аптадан аспауы тиіс. Автор өңдеген мақаланы қайтадан рецензияға жібереді.
Авторлар мақаланы түзетуден бас тартқан жағдайда, ол туралы редакцияны жазбаша немесе ауызша түрде хабардар етуі тиіс. Егер бір апта ішінде өңделген нұсқа келмесе және авторлардан бас тарту туралы хабар болмаса, редакция мақаланы есептен шығарады және бұл туралы тиісті хабарлама жібереді.
Егер автор мен рецензент арасында келіспеушіліктер туындаса, редакциялық алқа мақаланы қосымша рецензиялауға жіберуге құқылы. Даулы жағдайларда шешімді редакциялық алқа отырысында бас редактор қабылдайды.
Мақаланы жариялаудан бас тарту туралы шешім рецензенттердің ұсынымдары негізінде редакциялық алқа отырысында қабылданады. Редакциялық алқа шешімімен жариялауға ұсынылмаған мақала қайта қарауға қабылданбайды. Бас тарту туралы хабарлама авторға электрондық пошта арқылы жіберіледі.
Редакциялық алқа мақаланы жариялауға қабылдау туралы шешім қабылдағаннан кейін редакция авторға хабарлап, жариялау мерзімін көрсетеді.
Позитивті рецензия мақаланы жариялауға жеткілікті негіз болып табылмайды. Мақаланы жариялау туралы түпкілікті шешімді редакциялық алқа қабылдайды. Даулы жағдайларда соңғы шешімді бас редактор қабылдайды.
Рецензиялардың түпнұсқалары журнал редакциясында 5 жыл бойы сақталады.
Редакция рецензиялардың көшірмелерін Қазақстан Республикасының Білім және ғылым министрлігіне ресми сұраныс түскен жағдайда жолдайды.
Рецензенттердің назарына
Рецензенттер ғылыми мақалаларды бағалау кезінде төмендегі негізгі қағидаларды ұстануы тиіс:
- Рецензенттің келісімі:
1) рецензия жүргізу үшін орынды пәндік мамандануға сәйкес қолжазбаларды сараптауға;
2) рецензиялауды уақтылы орындауға.
- Рецензент сараптамалық бағалаудың құпиялылығын сақтауы тиіс.
- Рецензент қолжазбаға объективті және сындарлы баға береді.
- Рецензент рецензиялауды жүргізу барысында алынған ақпаратты өз мүддесі үшін де, бөгде адамдардың мүддесі үшін де пайдалана алмайды.
- Рецензент рецензиялау барысында кемсітетін немесе беделін түсіретін пікірлер бермеуі тиіс.
- Рецензент жеке дара шешім қабылдау мүмкін болмаған жағдайда редакцияға жүгіне отырып, мүдделердің ықтимал қақтығыстарының туындағаны туралы мәлімдеуі тиіс.
Ағылшын тілінде рецензиялау үшін https://bentham.manuscriptpoint.com/manuals/Review_%20tutorial.pdf сайтын пайдалануға болады.
Рецензенттерді қолдау саясаты:
Рецензент әрбір жазылған рецензия үшін журналда жариялаудың жеңілдікті тәртібін көздейтін балл алады (1 балл – жарияланым үшін 20% жеңілдік), бұл ретте жинақталған балл оларды толық пайдаланғанға дейін сақталады (рецензенттің жеке өзі немесе басқа да тең авторлар үшін).
Рецензия жүргізу үшін редакция келесі рецензия құрылымын ұсынады:
1. Журналдың тематикасы мен деңгейіне сәйкестігі.
2. Мақала тақырыбының өзектілігі (бірегейлігі).
3. Зерттеудің жаңалығы, ғылыми-практикалық маңыздылығы.
4. Мақала мазмұнының тақырыпқа сәйкестігі.
5. Тәсілдердің/әдістердің дұрыс сипатталуы.
6. Қорытындылар мен нәтижелердің маңыздылығы мен құндылығы.
7. Баяндау стилі (грамматика, айқындық).
9. Техникалық сапа деңгейі
10.Нақты зерттеу мақсатының болуы және мақсат нәтижелерінің сәйкестігі
11. Әдебиетке дәйексөздің негізділігі.
12. Аңдатпаның толықтығы және талаптарға сәйкестігі
Тұтастай алғанда, рецензияда мақала материалына білікті талдау және нақты негізделген ескертулер мен ұсыныстармен объективті негізделген бағалау болуы керек.
Мақала авторларына рецензия мәтінімен (рецензент туралы мәліметтерсіз) танысуға мүмкіндік беріледі.
Рецензияның қорытынды бөлімінде рецензенттің қорытындысы ретінде келесі ұсынымдар болуы мүмкін:
- Болмашы өзгерістермен қабылдау;
- Елеулі өзгерістермен қабылдау;
- Ағымдағы түрде бас тарту, бірақ қайта жіберу мүмкіндігімен;
- Қайта беру мүмкіндігінсіз бас тарту.
Ғылыми жарияланымдар этикасы
Qainar Journal of Social Science журналы шешім қабылдау және ықтимал дауларды шешу барысында ғылыми жарияланым үдерісіне қатысушылардың барлығы — авторлар, редакторлар, рецензенттер, баспагер және құрылтайшы арасындағы этикалық өзара қатынастарды реттейтін халықаралық деңгейде танылған ережелерді басшылыққа алады.
Осы бөлімде баяндалған ережелер Committee on Publication Ethics (COPE) ұсынымдарына, Elsevier баспасының Publication Ethics and Publication Malpractice Statement құжатына, сондай-ақ ғылыми баспа қызметіндегі ашықтық қағидаттары мен үздік тәжірибелерге негізделген.
- Кіріспе
1.1. Рецензияланатын журналдарда материалдарды жариялау тек ғылыми коммуникацияның құралы ғана емес, сонымен қатар тиісті ғылыми білім саласының дамуына елеулі үлес қосады. Осыған байланысты жарияланымға қатысушы барлық тараптардың — авторлардың, журнал редакторларының, рецензенттердің, баспагердің және Qainar Journal of Social Science журналының ғылыми қоғамының – этикалық мінез-құлық стандарттарын белгілеу маңызды.
1.2. Баспагер ғылыми коммуникацияны қолдай отырып, осы үдерісіне инвестиция салады және жарияланатын еңбектерде заманауи ұсынымдардың сақталуына жауап береді.
1.3. Баспагер ғылыми материалдарға қатаң бақылау жүргізуге міндеттенеді. Журнал бағдарламалары ғылыми ой мен зерттеудің бейтарап «есебін» ұсынатындықтан, бұл «есептердің» мазмұны мен көрінісі үшін, әсіресе осы құжатта баяндалған жарияланымдардың этикалық аспектілері тұрғысынан, толық жауапкершілік сезіледі.
- Редакторлардың міндеттері
2.1. Жариялау туралы шешім
Qainar Journal of Social Science журналының редакторы жариялау шешімін жеке және тәуелсіз түрде қабылдайды, кей жағдайда тиісті ғылыми қоғаммен бірлесе отырып. Қарастырылып отырған жұмыстың шынайылығы мен ғылыми маңыздылығы әрқашан шешімнің негізі болуы тиіс. Редактор журналдың редакциялық алқасының саясатын басшылыққа ала отырып, жала, авторлық құқық, заңдылық және плагиатқа қатысты қолданылып жүрген құқықтық талаптармен шектеледі. Редактор шешім қабылдау барысында басқа редакторлармен немесе рецензенттермен (не ғылыми қоғамның өкілдерімен) кеңесе алады.
2.2. Адалдық
Редактор қолжазбаның зияткерлік мазмұнын нәсіліне, жынысына, жыныстық бағдарлануына, діни көзқарасына, шығу тегіне, азаматтығына немесе саяси ұстанымына қарамастан бағалауы тиіс.
2.3. Құпиялылық
Qainar Journal of Social Science журналының редакторы мен редакциялық алқасы қабылданған қолжазба туралы ақпаратты қажетсіз ешкімге - авторлардан, рецензенттерден, ықтимал рецензенттерден, ғылыми кеңесшілерден және баспагерден басқа тұлғаларға - жария етпеуге міндетті.
2.4. Ақпаратты ашу саясаты және мүдделер қақтығысы
2.4.1. Қарауға ұсынылған қолжазбалардан алынған жарияланбаған деректерді автордың жазбаша келісімінсіз жеке зерттеулерде пайдалануға болмайды. Рецензиялау кезінде алынған, артықшылық беретін идеялар мен ақпарат құпия сақталуы және жеке пайда табу мақсатында қолданылмауы тиіс.
2.4.2. Редакторлар авторлармен, компаниялармен немесе қолжазбаға қатысы бар өзге ұйымдармен бәсекелестік, ынтымақтастық немесе басқа да өзара қатынастардан туындайтын мүдделер қақтығысы болған жағдайда, жұмысты жеке қараудан бас тартуы және оны басқа редакторға немесе редакциялық алқа мүшесіне беруі тиіс.
2.5. Жарияланымдарға бақылау
Редактор жарияланған еңбекте келтірілген тұжырымдардың немесе қорытындылардың қате екендігіне сенімді дәлелдер алған жағдайда, бұл туралы баспагерге және (немесе) тиісті ғылыми қоғамға хабарлап, мақаланы түзету, кері қайтарып алу немесе ескерту жариялау сияқты тиісті шаралардың қабылдануын қамтамасыз етуі тиіс.
2.6. Зерттеу шеңберіндегі өзара іс-қимыл және ынтымақтастық Редактор баспагермен (немесе ғылыми қоғаммен) бірлесе отырып, қаралған қолжазбалар мен жарияланған материалдарға қатысты этикалық шағымдар туындаған жағдайда тиісті әрекеттерді қабылдайды. Мұндай шараларға авторлармен өзара байланыс орнату және шағымның негіздемесін анықтау, сондай-ақ тиісті ұйымдармен немесе зерттеу орталықтарымен өзара әрекеттесу кіреді.
- Рецензенттердің міндеттері
3.1. Редакциялық алқа шешіміне ықпал ету
Рецензиялау редакторға жариялау туралы шешім қабылдауға көмектеседі және авторға жұмысты жетілдіруге мүмкіндік береді. Бұл ғылыми коммуникацияның негізгі бөлігі болып табылады, сондықтан әрбір ғалым журнал жұмысына үлес қосу мақсатында рецензиялауға жауапкершілікпен қарауы қажет.
3.2. Орындаушылық
Қолжазбаны бағалауға жеткілікті біліктілігі жоқ немесе жұмысты дер кезінде орындауға мүмкіндігі болмаған рецензент бұл туралы редакторға хабарлап, тиісті қолжазбаны қараудан бас тартуы тиіс.
3.3. Құпиялылық
Рецензиялау үшін алынған кез келген қолжазба құпия құжат болып саналады және редактор рұқсат етпеген үшінші тұлғалармен талқылануға жатпайды.
3.4. Қолжазба талаптары және объективтілік
Рецензент бағалауды объективті түрде жүргізуге міндетті. Авторды жеке сынға алу жол берілмейді. Рецензент өз пікірін нақты және дәлелді түрде жеткізуі тиіс.
3.5. Алғашқы дереккөздерді мойындау
Рецензент қолжазба тақырыбына сәйкес маңызды, бірақ библиографияда көрсетілмеген жарияланған еңбектерді анықтауы тиіс. Бұрын жарияланған кез келген пайымдау немесе дәйек библиографиялық сілтемемен расталуы қажет. Егер рецензент өз құзыретіне кіретін басқа еңбектермен мазмұндық ұқсастықты байқаса, ол бұл туралы редакторға хабарлауы тиіс.
3.6. Ақпаратты ашу саясаты және мүдделер қақтығысы
3.6.1. Қарауға ұсынылған қолжазбалардан алынған жарияланбаған деректерді автордың жазбаша келісімінсіз жеке зерттеулерде пайдалануға болмайды. Рецензиялау барысында алынған ақпарат құпия болып саналады және жеке пайда табу мақсатында қолданылмайды.
3.6.2. Рецензенттер авторлармен, компаниялармен немесе қолжазбаға қатысы бар басқа ұйымдармен бәсекелестік немесе ынтымақтастық қатынастардан туындайтын мүдделер қақтығысы бар жағдайда жұмысты қарауға қатыспауы тиіс.
- Авторлардың міндеттері
4.1. Қолжазбаға қойылатын талаптар
4.1.1. Түпнұсқалық зерттеу нәтижелерін ұсынған авторлар өз жұмыстарының нәтижелерін нақты және объективті түрде баяндауға міндетті. Зерттеу деректері қателіксіз көрсетілуі тиіс. Жұмыста зерттеуді қайталауға мүмкіндік беретін егжей-тегжейлі мәліметтер мен библиографиялық сілтемелер болуы қажет. Жалған немесе әдейі бұрмаланған мәліметтер ғылыми этикаға қайшы келеді.
4.1.2. Шолулар мен ғылыми мақалалар да дәл әрі объективті болуы тиіс, редакцияның ұстанымы анық көрсетілуі керек.
4.2. Деректерге қол жеткізу және сақтау
Редакторлардың талабы бойынша авторлардан қолжазбаға қатысты бастапқы деректерді ұсыну сұралуы мүмкін. Авторлар бұл деректерге ашық қол жеткізуді қамтамасыз етуге және жарияланғаннан кейін белгілі бір уақыт бойы оларды сақтауға дайын болуы тиіс (ALPSP-STM Statement on Data and Databases құжатына сәйкес).
4.3. Түпнұсқалық және плагиат
4.3.1. Авторлар өз еңбектерінің түпнұсқалығын қамтамасыз етуге тиіс. Өзге авторлардың еңбектері немесе тұжырымдары пайдаланылған жағдайда тиісті библиографиялық сілтемелер келтірілуі қажет.
4.3.2. Плагиат әртүрлі формада болуы мүмкін - өзгенің еңбегін өзінікі етіп көрсету, елеулі бөліктерді авторлықсыз көшіру немесе өзге зерттеулердің нәтижелерін иемдену. Плагиаттың барлық түрі ғылыми этикаға қайшы және жол берілмейді.
4.3.3. Журнал жасанды интеллект (бұдан әрі – ЖИ) құралдарын тек тілдік түзету, әдебиет іздеу, статистикалық есептеулер немесе деректерді визуализациялау сияқты көмекші мақсаттарда пайдалануға рұқсат етеді. ЖИ қолдану авторлардың толық бақылауында болуы және қолжазбада (мысалы, «Әдістер» бөлімінде) ашық сипатталуы тиіс.ЖИ қолданылуын сипаттауда құралдың атауы, нұсқасы және нақты қолданылу саласы (мысалы, грамматикалық түзету, деректерді талдау, визуализация) көрсетілуі қажет.ЖИ құралдары автор ретінде көрсетілмеуі тиіс. Қолжазбаның дәлдігі, түпнұсқалығы мен тұтастығы үшін толық жауапкершілік авторларға жүктеледі. ЖИ қолдану фактісін жасырған жағдайда бұл жарияланым этикасын бұзу ретінде қарастырылады.
4.3.4. Плагиатқа немесе жасанды интеллект құралдарын тиісті ашусыз пайдалануға жол берген авторлар үш (3) жыл мерзімге журналға материал жіберу құқығынан айырылады және олардың қолжазбалары қабылданбайды.
4.4. Көптік, артық және бір мезгілде жарияланымдар
4.4.1. Жалпы жағдайда автор бір зерттеуге арналған қолжазбаны бір ғана журналда түпнұсқалық жарияланым ретінде ұсынуы тиіс. Бір қолжазбаны бір мезгілде екі немесе одан да көп журналға ұсыну ғылыми этика нормаларын бұзу болып табылады және жол берілмейді.
4.4.2. Автор бұрын жарияланған мақаланы басқа журналға қайта қарауға ұсынбауы тиіс.
4.4.3. Кейбір жағдайларда (мысалы, клиникалық ұсынымдар, аударма мақалалар) мақаланы бірнеше журналда жариялау этикалық тұрғыдан рұқсат етілуі мүмкін, бірақ бұл белгілі шарттар сақталған жағдайда ғана жүзеге асырылады. Мүдделі журналдардың авторлары мен редакторлары мұндай қайталама жарияланымға өзара келісім беруі тиіс, әрі бұл жарияланым бастапқы жұмыстағы деректер мен интерпретацияларды толық қайталауы қажет. Бастапқы жұмыстың библиографиялық деректері қайталама жарияланымда міндетті түрде көрсетілуі тиіс. Қайталама жарияланымдардың рұқсат етілген нысандары туралы толығырақ ақпаратты www.icmje.org сайтынан табуға болады.
4.5. Алғашқы дереккөздерді мойындау
Басқа тұлғалардың үлесін әрдайым мойындау қажет. Авторлар өз жұмыстарының орындалуына ықпал еткен жарияланымдарға сілтеме жасауға міндетті. Жеке әңгіме, хат алмасу немесе үшінші тұлғалармен талқылау барысында алынған деректер бастапқы дереккөздің айқын жазбаша рұқсатынсыз пайдаланылмауы немесе жария етілмеуі тиіс.
Қолжазбаларды бағалау немесе грант беру сияқты құпия дереккөздерден алынған ақпарат, сол еңбектердің авторларының нақты жазбаша рұқсатынсыз пайдаланылмауы тиіс.
4.6. Жарияланымның авторлығы
4.6.1. Жарияланым авторлары болып жұмыстың тұжырымдамасын әзірлеуге, орындауға немесе зерттеу нәтижелерін түсіндіруге елеулі үлес қосқан тұлғалар ғана танылады. Мұндай тұлғалардың барлығы тең авторлар ретінде көрсетілуі тиіс. Егер зерттеу қатысушылары жобаның белгілі бір бағытына елеулі үлес қосқан болса, олардың есімдері жұмыстың негізгі үлес қосушылар ретінде аталу қажет.
4.6.2. Негізгі автор зерттеуге елеулі үлес қосқан барлық тұлғалардың тең авторлар ретінде көрсетілгеніне және зерттеуге қатыспаған тұлғалардың авторлар тізіміне енгізілмегеніне көз жеткізуге міндетті. Барлық тең авторлар мақаланың соңғы нұсқасын қарап, мақұлдауы және оны жариялауға келісім беруі тиіс.
4.7. Тәуекелдер, сондай-ақ зерттеу нысаны ретіндегі адамдар мен жануарлар
4.7.1. Егер зерттеу барысында ерекше қауіп тудыруы мүмкін химиялық заттар, құрал-жабдықтар немесе әдістер қолданылса, автор бұл туралы қолжазбада нақты көрсетуі қажет.
4.7.2. Егер зерттеу адамдар мен жануарларды қамтыса, авторлар жұмыстың барлық кезеңдері қолданыстағы заңнамаға және зерттеу ұйымдарының нормативтік құжаттарына сәйкес жүргізілгенін және тиісті этикалық комитеттермен мақұлданғанын көрсетуге міндетті. Қолжазбада зерттеуге қатысқан адамдардан ақпараттандырылған келісім алынғаны айқын көрсетілуі тиіс. Сондай-ақ жеке өмірге қол сұқпаушылық құқығының сақталуы әрдайым қамтамасыз етілуі керек.
4.8. Ақпаратты ашу саясаты және мүдделер қақтығысы
4.8.1. Барлық авторлар өз қолжазбаларында зерттеу нәтижелеріне немесе қорытындыларына ықпал етуі мүмкін қаржылық немесе өзге де мүдделер қақтығысын көрсетуге міндетті.
4.8.2. Ашылуы тиіс ықтимал мүдделер қақтығысының мысалдарына келесілер жатады: жұмысқа орналасу, кеңес беру қызметі, акция иелену, сыйақы алу, сараптамалық қорытындылар ұсыну, патенттік өтінімдер немесе тіркелген патенттер, гранттар және басқа да қаржылық қолдау түрлері. Мұндай ақпарат мүмкіндігінше ертерек жария етілуі тиіс.
4.9. Жарияланған еңбектердегі елеулі қателер
Автор жарияланған еңбегінде елеулі қателер немесе дәлсіздіктер анықталған жағдайда, бұл туралы Qainar Journal of Social Science журналының редакторына хабарлап, мақаланы түзету немесе кері қайтарып алу үшін бірлесіп әрекет етуге міндетті. Егер редактор немесе баспагер үшінші тараптан жарияланған жұмыста елеулі қателер бар деген ақпарат алса, автор бұл қателерді мүмкіндігінше қысқа мерзімде түзетуі немесе мақаланы кері қайтарып алуы тиіс.
- Баспагердің міндеттері
5.1. Баспагер редакторлардың, рецензенттердің және авторлардың этикалық міндеттемелерін орындауға ықпал ететін қағидаттар мен рәсімдерді ұстануы тиіс. Баспагер жарнама немесе қайта басып шығару арқылы алынатын ықтимал пайда редакторлардың шешіміне әсер етпеуін қамтамасыз етуі қажет.
5.2. Баспагер Qainar Journal of Social Science журналының редакторларына жарияланымдардың этикалық аспектілеріне қатысты шағымдарды қарауда қолдау көрсетіп, қажет болған жағдайда басқа журналдармен және (немесе) баспалармен өзара әрекеттесуді қамтамасыз етеді.
5.3. Баспагер зерттеулердің дұрыс жүргізілу тәжірибесін ілгерілетуге, этикалық ұсынымдарды жетілдіруге және мақалаларды кері қайтарып алу мен қателерді түзету рәсімдерін дамытуға бағытталған салалық стандарттарды енгізуге жәрдемдесуі тиіс.
5.4. Қажет болған жағдайда баспагер тиісті заңгерлік қолдау (кеңес беру немесе қорытынды беру) көрсетуді қамтамасыз етеді.
5.5. Баспагер мен редакция жасанды интеллект құралдарын пайдаланудағы этикалық нормалардың сақталуын бақылайды және авторлардан мұндай құралдарды қолдану сипаты мен көлеміне қатысты түсіндірме сұратуға құқылы.
Құрылтайшы
Q University, 050020/A05B6C4, Қазақстан Республикасы, Алматы қаласы, Байзақов көшесі, 125/185, НП 4 (Айтеке би көшесінің қиылысы)
Жариялау шарттары
ЖАРИЯЛАУ ШАРТТАРЫ
«Qainar Journal of Social Science» журналы — ашық қолжетімді ғылыми басылым. Дегенмен, жариялау процесі қолжазбаларды рецензиялау кезінде өңдеу, ғылыми редакциялау, жариялау, архивтеу және қажет болған жағдайда авторға бір данасын ұсыну сияқты шығындармен байланысты. Осы шығындарды өтеу мақсатында журнал жариялау үшін ақы алады. Жариялау ақысы зерттеуді қаржыландыратын ұйым немесе автор тарапынан төленуі мүмкін.
Бір қолжазбаны жариялау құны 64 000 теңгені құрайды және бір тегін авторлық дана беріледі. Төлем теңгемен, еуромен немесе АҚШ долларымен жүргізілуі мүмкін. Шетел валютасында төлем жасалған жағдайда, сома төлем күніне белгіленген ресми айырбас бағамы бойынша 64 000 теңгенің баламасына сәйкес есептеледі.
Журналда жариялауға мақұлданған мақала авторы жариялау ақысын төлеуге міндетті. Ерекше жағдайларда журнал сериясын қаржыландырудың өзге көздері болған жағдайда авторлар жариялау ақысынан толық немесе ішінара босатылуы мүмкін.
Жариялауға дайындау ақысы мақаланы редакциялауды, нөмірді шығаруға дайындауды басқаруды және архивтеуді қамтиды. Қолжазбаны жариялауға дайындау үшін төлем жасау фактісі жариялау туралы шешімге және редакциялық шешімдерге әсер етпейді.
Хат алмасушы автор жариялауға дейін төлемді жүзеге асыруға жауапты. Жариялау төлемі туралы түбіртектің PDF нұсқасы хат алмасушы автор тарапынан kireyeva.anel@kainar-edu.kz электрондық поштасына жіберілуі тиіс.
Банктік аударым
“Q” University мекемесі
Заңды мекенжайы: 050013, Алматы қ., көш. Байзақов 125
БСН 921 040 000 509
КБЕ – 18 КНП – 861
ЖСК KZ218560000005417356
БСК KCJBKZKX
«Банк ЦентрКредит» АҚ
Тел.: (727) 264 66 68 факс: (727) 255 83 66
Ашу саясаты және мүдделер қақтығысы
Қарыз алу және плагиат
Qainar Journal of Social Science журналының редакциялық алқасы барлық қолжазбаларды ресімдеу талаптарына сәйкестігін тексеру кезінде және рецензиялауға дейін плагиаттың бар-жоғын анықтау мақсатында арнайы антиплагиат жүйесі арқылы тексеру жүргізеді.
Мақалаларын журналға жіберу арқылы авторлар жариялау үдерісінде қажетті болуы мүмкін түпнұсқалықты тексерудің кез келген түріне келісім береді.
Qainar Journal of Social Science журналы ғылыми адалдық пен этика қағидаттарын ұстануды жақтайды. Осыған байланысты журнал редакциясы ғылыми жарияланымдардың сапасын қамтамасыз етуде сенімді серіктес таңдады және «Антиплагиат» АҚ ұйымымен ынтымақтастық туралы келісім жасасты.
Бұл сервис ресейлік әзірлеушілермен 2005 жылы құрылған және қазіргі таңда Қазақстан, Ресей, Беларусь және басқа да елдердің жоғары оқу орындарында, ғылыми институттарында және баспаларында кеңінен қолданылады.
Бағдарлама арнайы іздеу және ақпаратты өңдеу жүйесіне негізделген, мәтіндер арасындағы ұқсастықтарды түрлі түспен белгілеп, бастапқы дереккөздердің тізімін қалыптастырады, сондай-ақ мәтіндегі таңбалар мен әріптерді әдейі алмастыру әрекеттерін автоматты түрде анықтайды және түзетілген нұсқадағы плагиатты табуға мүмкіндік береді.
Плагиатқа тексеру нәтижесінде түпнұсқалығы 85%-дан жоғары қолжазбалар ғана әрі қарай рецензиялауға жіберіледі. Егер қолжазба журналдың ресімдеу талаптарына сай келмесе немесе плагиат тексерісінің нәтижесінде түпнұсқалық деңгейі төмен болса, материал авторға түзетулер енгізу және қайта жіберу үшін қайтарылады. Қайта ұсынылған қолжазба журналдың электрондық платформасы арқылы қарастырылады.
Тура көшіру
Мәтінді толық немесе жартылай сөзбе-сөз көшіру, рұқсатсыз немесе дереккөзге сілтеме жасамай пайдалану — плагиат болып табылады. Мұндай көшіру түрін плагиатты анықтау бағдарламалары оңай анықтайды және ол жарияланым этикасын өрескел бұзу болып саналады.
Елеулі көшіру
Жұмыстың елеулі бөлігін рұқсатсыз және дереккөзге сілтемесіз көшіру.
«Елеулілік» көлеммен ғана емес, мазмұндық маңыздылығымен де өлшенеді.
Егер көшірілген үзінді жұмыстың негізгі мазмұнын немесе түйінді идеясын қамтыса, көлемі аз болса да, бұл плагиат ретінде танылады.
Парафразалау
Кей жағдайларда көшіру түпнұсқадағы мәтінді сөзбе-сөз емес, мағынасын өзгеріссіз сақтай отырып қайта баяндау (парафразалау) арқылы жүзеге асады. Бұл плагиаттың ең күрделі түрлерінің бірі болып саналады және оны анықтау арнайы тексеру құралдарын қажет етеді.
Плагиаттың барлық түріне жол берілмейді және ол мақаланың дереу қабылданбауына, сондай-ақ авторларға санкциялар қолдануға әкеледі.
Плагиат фактісі дәлелденген авторлар үш (3) күнтізбелік жыл бойы Qainar Journal of Social Science журналына материал жіберу құқығынан айырылады.
